Samarqanddagi Jahon chempionatida rossiyalik eshkak eshuvchi bilan bog'liq g'aroyib hodisa ro'y berdi

Bugun musobaqaning so'nggi kuni doirasida rossiyalik kanoechi Zaxar Petrov 500 metr masofaga final bosqichida ishtirok etdi.

Petrovning chiqishida g'aroyib hodida yuz berdi. U finishga oz qolganida qayig'i ag'darilib ketdi, shunga qaramasdan, qayiq kamoni finishni birinchi bo'lib, kesib o'tdi. Biroq rasmiy protokolda Zaxarning natijasi dastlab, hisobga olinmadi.

SHundan so'ng, neytral maqomidagi sportchi Petrov tomoni tashkilotchilarga protest bildirishdi. Qayta tekshirishlardan so'ng, Zaxarning oltin medal qo'lga kiritgani elon qilindi.

Ammo biroz oldin elon qilingan yangiliklarda Zaxardan oltin medal olingani va u rasmiy protokolda finishga qadar etib kela olmagani qayd etildi. Oltin medal esa ikkinchi bo'lgan moldovalik Sergey Tarnovskiyga nasib etdi.

Malum bo'lishicha, Rossiya eshkak eshish federaciyasi ushbu qarordan so'ng, yana bir bor tashkilotchilar tomon protest kiritishgan.