Sambo. Jahon chempionatining birinchi kuni 3 ta medal qo'lga kiritildi

Yilning ushbu nufuzli musobaqasida O'zbekiston terma jamoasi sambochilari ham ishtirok etyapti. Jahon chempionatining birinchi kuni sportchilarimiz uchta medalga ega chiqishdi. 

-90 kg vazn toifasida yurtimiz sharafini himoya qilgan Nemat Yoqubov bronza medalini qo'lga kiritdi. Terma jamoamiz hisobiga qolgan ikki medalni jangovor sambo bahslarida gilamga chiqqan hamyurtlarimiz qo'shib qo'yishdi. 

Finalga qadar mag'lubiyatsiz etib kelgan Istam Qudratov (-74 kg) va Ilhomjon Yo'ldoshev (-100 kg) jahon chempionatining kumush medaliga sazovor bo'lishdi. Bugun qolgan vazn toifalarida bellashuvlar o'tkaziladi.