Sambo: Jahon kubogining ilk kunida 8 ta medal!

Ushbu nufuzli musobaqada mezbonlardan tashqari Armaniston, Belarus, Moldova, O'zbekiston, Tojikiston, Turkmaniston, Qirg'iziston, Xitoy, Baxrayn, Ruminiya, Serbiya, Xorvatiya, Vinesuela kabi 14 ta mamlakatdan jami 130 nafardan ortiq sportchi g'oliblik uchun bahs olib borishmoqda. Ular orasida 13 nafar O'zbekiston milliy terma jamoa azolari ham bor.

Ilk kungi bahslarda vakillarimiz 2 ta oltin, 4 ta kumush va 2 ta bronza, jami 8 ta medalga sazovor bo'lishdi. Jumladan, hamyurtlarimizdan Davlatjon Hamroev (-62 kg) oltin, Ulug'bek Raxmonov (-82 kg) kumush, Sunnat Abdumajidov (-82 kg) bronza medaliga sazovor bo'lishdi.

Ayollar o'rtasidagi bahslarda esa Ibodatxon Og'ajonova (-60 kg) o'z vazn toifasida kumush, Dilnoza Ziyaeva esa (-52 kg) bronza medalini qo'lga kiritib, Jahon kubogida yurtimiz sharafini munosib himoya qilishdi.

SHuningdek, jangovar sambo yo'nalishida O'zbekiston terma jamoasi azosi Dilshod Gadoev 57 kggacha vazn toifasida shohsupaning eng yuqori pog'onasiga ko'tarilgan bo'lsa, uning jamoadoshlari Erali Abraev (-90 kg) hamda Hakimjon Ismoilovlar (+100 kg) o'z vazn toifalarida kumush medal bilan taqdirlanishdi.