Sambochilarimiz Osiyo chempionatini g'alaba bilan boshladilar

Osiyo sambo uyushmasi, O'zbekiston Respublikasi Jismoniy tarbiya va sport davlat qo'mitasi hamda mamlakatimiz sambo associaciyasi hamkorligida tashkil etilgan mazkur turnirda yigirmadan ziyod davlatdan besh yuzga yaqin sportchi sambo va jangovar sambo bo'yicha kuch sinashmoqda.

"O'zbekiston" sport majmuasida tashkil etilgan musobaqaning ochilish marosimida mamlakatimizda barcha sport turlari qatori sambo ham jadal rivojlanayotgani takidlandi. Ko'plab xalqaro miqyosdagi musobaqalarda shohsupaga ko'tarilayotgan hamyurtlarimiz safi kengaymoqda.

Terma jamoamiz bosh murabbiyi Roman SHokirovning aytishicha, bu yilgi musobaqada etmishga yaqin sambo ustasi Vatanimiz sharafini himoya qilmoqda. Ular orasida jahon va qita chempionatlari g'olib va sovrindorlari bilan birga iqtidorli yosh polvonlar ham bor.

CHempionatning dastlabki kunida polvonlarimizdan Fazliddin Abdurahmonov, Jasur Sodiqov, Jonibek SHonazarov, Ibodatxon Og'ajonova, Zarnigor O'rmonova o'z yosh hamda vazn toifalarida oltin medalni qo'lga kiritdi.

SHahzod Hurmatov, Madina Turg'unboeva, Guljahon To'raboeva, Feruza Yusupova kumush, Ismat Qudratov, Bobir Qo'chqorov, Guljahon Sadieva bronza medallari bilan taqdirlandi.

Javohir Toshxo'jaev