Sambochilarimizning jahon chempionatidagi medallari soni 7 taga etdi

Kecha jahon chempionatining ikkinchi kungi bellashuvlarida 9 ta vazn toifasida g'olib va sovrindorlar aniqlandi. Murosasiz bellashuvlar natijasida sambochilarimiz 1 ta oltin, 3 ta kumush medallarga sazovor bo'ldi.

O'zbekiston terma jamoasi azolaridan SHahzoda Azatova -59 kilogrammda jahon chempioni unvoniga sazovor bo'lgan bo'lsa, Sardor Olimjonov -64 kilogrammda, Ozodbek Murotov -98 kilogrammda va Mavluda Abdullaeva -80 kilogrammda kumush medallarni qo'lga kiritdi.

Terma jamoamizning umumiy sovrinlari soni 2 ta oltin, 5 ta kumush medalni tashkil etmoqda.

Bugun, 10 noyabr kuni musobaqaning so'nggi kunida sambochilar 10 ta vaznda kechadigan kurashlarda gilamga chiqadi.  

Terma jamoamiz azolaridan Ubaydullo Mo'minov, Nemat Yoqubov, Lutfilla Saydamatov, Musoxon Ziyadinov, Ziyod Hakimboev, Ibodatxon Agojonova, Marjona Tursunova va Feruza Boboqulova o'z vaznlarida g'oliblik uchun kurash olib boradi.