Samvel Babayan: "Natija va o'yin sifatidan qoniqish hosil qildim"

Uchrashuvdan so'ng O'zbekiston milliy terma jamoasi bosh murabbiyi Samvel Babayan uchrashuv borasida o'z fikrini bildirdi va zaxira kuchini yana bir bor sinab ko'rganini aytdi.

“Bugun rasmiy o'yinlar oldidan navbatdagi o'rtoqlik o'yinini o'tkazdik va terma jamoaning zaxirasini yana bir bor sinab ko'rish imkoniyatiga ega bo'ldik. SHuningdek, bugungi o'yin orqali o'yinchilarning jismoniy holatini ham tekshirish imkoniga ega bo'ldik”, – deydi milliy terma jamoa bosh murabbiyi.

“Aytishim mumkinki, so'nggi o'rtoqlik o'yinlarida optimal tarkibni sinab ko'rish imkoniyatiga ega bo'lmadik va bu o'yinlar asosan zaxira kuchimizni, terma jamoaga potencial nomzodlarni saralab olishga imkon beradi. Bugun hujumda to'p surgan futbolchilarimiz, bizning asosiy tarkibdagi hujumchilarimiz sanaladi. Ularning bugungi o'zaro harakatlarini ko'zdan kechirish biz uchun muhim edi. Umuman, futbolchilarning bugungi o'yinidan, ularning bugungi harakatlaridan ko'nglim to'ldi”, – dedi Babayan.

“Biz bugungi o'yin orqali, shuningdek, yoshlarga ham imkon berishga harakat qildik. Tarkibdagi ayrim o'yinchilar milliy chempionat o'yinlariga ham tayyorgarlikni boshlab yuborishgan, ayrim futbolchilar esa Osiyo CHempionlar Ligasi o'yinlariga tayyorgarlik ko'rishmoqda. SHu bois, yig'in orqali, ularning o'z formalarini optimal holatga keltirishlari uchun harakat qildik. Umuman, bugungi natijadan va o'yin sifatidan qoniqish hosil qildim”, – deya fikrini yakunladi Samvel Babayan.