Samvel Babayan Xitoyga qarshi o'yin oldidan nimalar deydi?

"Ertangi o'yin ikki jamoa uchun juda muhim ahamiyatga ega, mamlakatimizda sport, futbol rivojlanishi uchun jahon chempionatida ishtirok etish orzuimizni amalga oshirmoqchimiz. Mundial uchun juda katta ishlar qilindi va vatanimizga yaxshi kayfiyatda qaytishga umid qilamiz. Xitoy ayni damda dunyo futbolining rivojlanish markaziga aylangan, Xitoy futbolda islohotlar o'tkazmoqda. Jamoamizda Xitoy ligasida to'p tepadigan futbolchilarimiz bor. Xitoy futbolining rivojlanishi mamlakat terma jamoasiga ham ijobiy tasir ko'rsatadi.

Xitoyga qarshi bahsdan oldin bizda bazi muammolar bor. SHunga qaramasdan, O'zbekistonga ijobiy natija bilan qaytishga umid qilyapmiz.

Toshkentdagi bahsdan so'ng Xitoy terma jamoasi bosh murabbiyni o'zgartirdi. Marchello Lippini juda hurmat qilaman. U kelganidan so'ng, terma jamoada ijobiy o'zgarishlar bo'ldi.

Hozir ertangi bahs haqida bosh qotiryapmiz, Xitoy terma jamoasining o'yinini jiddiy o'rganib chiqdik. Bu bahsning natijasi guruhdagi vaziyatga tasir ko'rsatadi.

Uxanga kelishdan oldin, bu erdagi ob-havoni o'rgangan edim. Biroq etib kelganimizdan so'ng hayron bo'ldim. Havo juda yaxshi. Ertaga ikki jamoa ham tezkor o'yin ko'rsatishiga ishonaman.

Xitoy ligasidagi o'ynaydigan futbolchilarimiz ertaga maydonga tushadiganlarni jamoadoshlaridan yaxshiroq biladi" - deydi Samvel Babayan.