Samvel Babayan: “Yigitlar yurakdan o'ynashdi, boshqacha bo'lishi mumkin emasdi”

“Mamlakatimiz og'ir judolikka uchraganidan xabaringiz bor. Bugun biz boshqacha o'ynay olmasdik ham, yigitlar yurakdan o'ynashdi. G'alaba bilan barchani tabriklayman. Oldinga intilishda davom etamiz, - dedi Babayan. 

- Ikkala jamoa ham juda ehtiyotkor o'ynadi. So'nggi daqiqalarda o'z shogirdlaringizdan gol kutganmidingiz?

- Biz qiyin o'yin bo'lishini kutgandik. Qatar ham yaxshi himoyalandi, uchrashuv oxirida o'yinni kuchaytirganimizga kelsak, zaxiradan tushganlar bunga tayyor edilar. Maqsadimiz g'alaba qozonish va oldinga intilish edi. Bunga erishdik. Biz guruhda birinchi o'ringa chiqdik. Endi bor etiborimizni keyingi bahsga qaratamiz. Har bir uchrashuvga alohida tayyorgarlik ko'rish va unda g'alaba qozonish uchun maydonga tushamiz.

- Ikkinchi bo'limda O'zbekiston yaxshiroq o'ynadi. Bahs oxirida o'yinni kuchaytirish va gol urish asosiy rejangiz edimi?

- Albatta, rejamiz shunday edi. Ikkinchi bo'limda o'yinimizni kuchaytirdik. Biz Qatarga g'alaba uchun kelgandik. 90 daqiqa davomida harakat qildik va 3 ochkoga ega bo'ldik.

O'FF matbuot xizmati