Sening uying - sening arenang! Jismoniy tarbiya va sport vazirligi yana bir mega loyihani taqdim etadi

O'zbekiston Respublikasi Jismoniy tarbiya va sport vazirligi pandemiya sharoitida yurtdoshlarimizni jismoniy tarbiya va sport bilan muntazam shug'ullanishga jalb etish orqali ular salomatligini mustahkamlash va immunitetini ko'tarishga hissa qo'shish maqsadida bir qator onlayn sport musobaqalari o'tkazilishini elon qiladi.

2020 yil 20 iyuldan boshlab “Onlayn yurish”, “Onlayn yugurish”, “Onlayn velomarafon”, “Onlayn shaxmat”, #uydaqol #hayotgaqo'shil! chellenji hamda kibersport bo'yicha 8ta yo'nalishda “MinSport eSropts CUP” musobaqalariga start beriladi. Mazkur sport tadbirlarining barchasi Yangi yil bayramiga qadar davom etadi va yakunda g'oliblar qimmatbaho sovg'alar bilan taqdirlanadi. Jumladan, kibersport bo'yicha o'tkaziladigan "Minsport eSports CUP" musobaqasining umumiy sovrin jamg'armasi 100 million so'mdan oshsa, onlayn shaxmat musobaqasining mutloq g'olibi Spark avtomobilini qo'lga kiritish imkoniyatiga ega bo'ladi. SHunday ekan, imkoniyatingizni boy bermang, onlayn sport tadbirlarida faol ishtirok eting va qimmatbaho sovg'alarni qo'lga kiriting!

Batafsil malumotlar  www.minsport.uz saytida.

Istagimiz, odamlarda faol hayot tarziga bo'lgan ko'nikmani yanada jonlantirish hamda millat genofondini sog'lomlashtirish yo'lida o'z hissamizni qo'shish.

Jismoniy tarbiya va sport vazirligi Matbuot xizmati