08 avg 10:17
Yangiliklar

Tennis

Serena Uilyams Torontodagi yurishini boshladi

Dunyoning 10-raketkasi Serena Uilyams Kanadaning Toronto shahrida davom etayotgan nufuzli tennis turniridagi ishtirokini g'alaba bilan boshladi.

Amerikalik tennis malikasi Rogers Cup turnirining ikkinchi davrasida belgiyalik Elize Mertensga qarshi kortga chiqdi. Serena 1 soatu 15 daqiqa davom etgan bahsda reytingning 20-pog'onasidan joy olgan raqibasini ikki setda ham bir xil hisobda engdi - 6/3, 6/3.

Bu tennischilarning o'zaro ilk uchrashuvi edi. Endi Serena Uilyams uchinchi davra uchrashuvida rossiyalik Ekaterina Aleksandrovaga qarshi kortga chiqadi.