Serena Uilyams "Uimbldon"da kortga qaytishni rejalashtiryapti

40 yoshli sportchi 2021 yilning iyun oyidan beri musobaqalarda ishtirok etmayapti. U o'tgan yilgi Uimbldon turnirining birinchi davrasida belaruslik Aleksandra Sasnovichga qarshi kortga chiqqan va uchrashvni yakunlay olmay, musobaqani tark etgan edi. 

Serena NFL o'yinchisi Aaron Rojers bilan bo'lgan ijtimoiy tarmoqdagi jonli efirda o'z rejalari haqida gapirdi.

“Biz qaytishimni tez-tez muhokama qilamiz. Meni "Uimbldon"ga tayyorgarlik ko'rishga chaqirishdi. Men bu turnirni kuta olmayman. US Open'ga qaytamanmi? Uimbldon AQSH Ochiq chempionatidan oldin bo'lib o'tadi. Avval u erda o'ynash kerak. Lekin men hayajondaman. Kutamiz!", - dedi amerikalik tennischi.

Avvalroq, Serenaning ustozi Patrik Muratoglu ruminiyalik Simona Xalep bilan ishlashi malum bo'lgandi.