Sergey Fominning muvaffaqiyatli yurishi davom etmoqda: u Antaliyadagi uchinchi turnirida chorak finalga yo'l oldi

Uchinchi haftadirki, hamyurtimiz Sergey Fomin Turkiyaning ushbu kurort shahrida tashkil etilayotgan turnirda muvaffaqiyatli ishtirok etyapti. U avvaliga chempion bo'ldi, uch kun avval esa vice-chempionga aylandi. 

Kecha u mazkur turnirdagi ilk o'yinda chexiyalik Yan Kumstatni mag'lub etgandi. Bugun esa ikkinchi davrada boshqa bir chexiyalik tennischi Zdenek Kolarga qarshi kortga chiqdi. 

2 soat 7 daqiqa davom etgan o'yinda Fomin 7:6, 6:4 hisoblarida g'alaba qozondi va chorak finalga yo'l oldi 

Taqqoslash uchun, Fomin ayni paytda dunyo reytingida 499-o'rinni, Kolar esa 418-o'rinni egallab turibdi. 

Endi u ertaga chorak finalda xorvatiyalik Luka Mikrutga (317) qarshi o'yin o'tkazadi.