21 okt 11:17
Yangiliklar

Tennis

SHapovalov Stokgolmda tengsiz bo'ldi

Dunyoning 34-raketkasi Denis SHapovalov SHveciya poytaxti Stokgolm shahrida yakunlangan turnir g'olibiga aylandi.

Kanadalik tennischi 1 soatu 24 daqiqa davom etgan final uchrashuvida reytingning 60-pog'onasidan joy olgan serbiyalik Filipp Krayinovichni 6/4, 6/4 hisobida taslim etdi.

Bu tennischilarning o'zaro o'tkazgan ilk uchrashuvi edi. 20 yoshli SHapovalov uchrashuv davomida 16 ta eys zarbasini amalga oshirgan. Intrum Stockholm Open turniridagi ishtirok SHapovalovga 250 reyting ochkosi hamda 109 590 evro mukofot puli olib keldi.