SHara Bullet ehtimoliy raqiblarini aytdi

SHara Bullet nomi bilan tanilgan aralash yakkakurash ustasi UFC banneri ostida ikkita jang o'tkazib, g'alabaga erishgan. 

"Men UFC rahbarlari Dana Uayt va Xanter Kempbell bilan uchrashib, imkon qadar tezroq raqib berishlarini so'radim. Ular bu bo'yicha ishlashlarini aytishdi. Ofislarida qabul qilganlari uchun ularga minnatdorlik bildiraman. Qancha tez oktagonga qaytib, muxlislarimni xursand qilsam, shuncha yaxshi bo'ladi. Bo Nikal va Marvin Vettori men bilan jang qilish istagini bildiribdi. Bu katta nomlar. Albatta, ular bilan ham jang qilaman. Menga shunday nomdor jangchilar kerak. Lekin hozir Kevin Xolland bilan oktagonda yuzma-yuz kelishni xohlardim. Men aynan uni oktagonga chaqiraman. Uning jang olib borish uslubi menga yoqadi. U ham katta nomdagi jangchi. Bizning jangimiz olovli bo'ladi. U ham men bilan jang qilish istagida. Hamma gap UFC`da qoldi", - dedi Bullet.

Malumot uchun, 30 yoshli SHarabutdin Magomedov Bruno Silvani ochkolar hisobiga ko'ra mag'lubiyatga uchratgan bo'lsa. Antonio Trokolini nokautga uchratgandi. Kevin Xolland esa yaqinda o'rta vazn toifasiga qaytib, birinchi raundda Mixal Oleksiychukdan ustun kelgan edi.