SHara Bullet Israel Adesanyaga "vyzov" tashladi

SHara Bullet 26 oktyabr kuni armanistonlik Armen Petrosyanni nokaut evaziga taslim etgan edi. Endi u to'rt haftadan keyinoq sobiq UFC chempioni Israel Adesanya bilan jang qilishga tayyor ekanini malum qildi.

"Tarixiy turnirda chiroyli g'alabaga erishganimdan xursandman. Kelasi haftadayoq oktagonga qaytishga tayyorman. Men tayyorman! Endigina jangga kirishganimda tugab qoldi. Bu zarba ustida mashg'ulotlarda ko'p bor ishlaganman. Tayboks bilan shug'ullanib yurgan paytlarimda ham shu zarba ustida ishlardim. Raqibimni aldashga muvaffaq bo'ldim. 

Men Xitoyda kikboksing janglarida ishtirok etib yurgan paytlarimdayoq Israel Adesanyaning ortidan tushganman. Lekin u MMAga o'tib ketdi. Oktagon – mening qayig'im. Kim unga chiqsa, asir olaman. Israel Adesanyani eng yaxshi zarbachi deyishyapti. Mengacha balki shunday bo'lgandir. Endi men shu erdaman. U bilan Makaoda jang qilishga tayyorman. Sababi, uning ortidan quvish aynan Xitoyda boshlangandi. Adesanya har qanaqasiga ham mendan qochib qutula olmaydi", - dedi Bullet UFC 308 turniridan keyingi matbuot anjumanida.