SHara Bullet navbatdagi jang sanasini elon qildi, u raqibga ham "vyzov" tashladi

SHara Bullet shanba oqshomida Ar-Riyod shahrida o'tkazilgan UFC turnirida ushbu promoushendagi ikkinchi g'alabasini qo'lga kiritgandi. U uch haftadan keyin oktagonga qaytishga tayyor. SHara keyingi raqibi sifatida amerikalik Kevin Xollandni ko'rmoqchi.

"Kevin Xolland, haqiqiy qaroqchi SHara Bullet shu erda, AQSHda. Men seni 13 iyul kuni yo'q qilaman va sening boshingni o'zim bilan uyga olib ketaman. Kel, jang qilamiz. Kevin Xoland, men seni oktagonga chorlayman. Sen menga Amerikaga kel, urishamiz deganding. Mening qayig'im AQSH qirg'oqlariga suzib keldi. Haqiqiy erkaklar jangi uchun rozi bo'l", - degan SHarabutdin. 

Malumot uchun, SHarabutdin Magomedov Bruno Silvani ochkolar hisobiga ko'ra mag'lub etgan, Antonio Trokolini nokautga uchratgan edi. Kevin Xolland esa shu oyning boshida o'rta vazn toifasiga qaytib, Mixal Oleksiychukni birinchi raunddayoq taslim etgandi. 

Darvoqe, SHara Bullet jang qilmoqchi bo'layotgan UFC on ESPN 59 turniri 13 iyul kuni AQSHning Kolorado shtati Denver shahrida tashkil etiladi.