SHara Bulletga jangiga ikki kun qolganda yana yangi raqib berishdi

SHara Bullet nomi bilan tanilgan sportchi 22 iyun kuni Saudiya Arabistoni poytaxti Ar-Riyod shahrida o'tkaziladigan UFC turnirida oktagonga chiqadi. UFC rahbari Dana Uaytning xabar berishicha, Bullet bilan jang qilishi kerak bo'lgan germaniyalik Joilton Lutterbax safdan chiqqan. Endi uning o'rnini jangga ikki kun qolganida Antonio Trokoli egallaydi.

O'zi aslida SHarabutdin Magomedov ukrainalik Igor Potereyaga qarshi jang o'tkazishi kerak edi. Lekin bu jangchini taqiqlangan zarba yo'llagani uchun uch oyga chetlatishdi. SHara UFC`dagi debyutini braziliyalik Bruno Silvaga qarshi o'tkazgandi. O'tgan yili oktyabr oyida UFC 294 turniri doirasida bo'lib o'tgan jangda Magomedov hakamlarning yakdil qarori bilan g'alaba qozongandi. SHarabutdinning MMAdagi statistikasi - 13 ta jang, 13 g'alaba.