SHara Bulletni mag'lub etgan Peyj navbatdagi rejalari haqida gapirdi

U yil davomida yana 3 marta jang qilmoqchi.

"Mart oyida Londonda o'tkaziladigan turnirga ulgurmayman, lekin aprel oyida Mayami - ehtimol katta. 

Men yarimo'rta vazn toifasi uchun vazn qilishga ulguraman. Umuman olganda, aprel, iyul va oktyabrda jang qilishni istardim, bu men uchun ideal taqvim. 

Qarang, men eng xavfli zarba beruvchi raqibga qarshi jang qildim va yuzimdan umuman zarba o'tkazib yubormadim. Umid qilamanki, jarohatlar menga halal bermaydi va imkon qadar tezroq qaytaman", - dedi Peyj.

Eslatib o'tamiz, Peyj 1 fevral kuni Saudiya Arabistonida o'tkazilgan turnirda SHara Bulletni ochkolar evaziga mag'lub etgandi.