15 okt 13:27
Yangiliklar
Tennis
SHarapova - Tyanczin turniri g'olibasi!
Rossiyalik tennis malikasi Mariya SHarapova WTA tasnifidagi nufuzli turnir g'olibasiga aylandi.
Mariya 2015 yilning mayidan beri ilk marotaba final uchrashuvida kortga chiqdi. Xitoyning Tyanczin shahri mezbonlik qilgan ushbu turnirda u bosh mukofot sohibasiga aylandi.
SHarapova 2 soatu 7 daqiqa davom etgan Tianjin Open finalida belaruslik Arina Sabalenkani 7:5, tay-brekda 7:6(10:8) hisobida mag'lubiyatga uchratdi. Ikkinchi setning oltinchi geymidan so'ng Sobolenko 5:1 hisobida oldinga ham chiqib olgandi. Lekin u muvaffaqiyatini yakunlay olmadi.
Taqqoslash uchun, SHarapova dunyo reytingida 86, Sobolenko esa 102-o'rinni egallab turibdi. Bugun u 2015 yilning mayidan buyon ilk, faoliyatidagi 36-sovrinini qo'lga kiritdi.
Tyanczindagi g'oliblik SHarapovaga 111 164 AQSH dollari hamda 280 reyting ochkosini taqdim etdi.
Havola :
Manba : olamsport.com
Fikrlar