SHarifa Davronova Jahon chempionatida qanday natija qayd etdi?

Unda O'zbekiston terma jamoasi vakilasi SHarifa Davronova uch xatlab sakrash dasturida ishtirok etdi. 22 mart kuni bo'lib o'tgan final bosqichida 10 ta mamlakatning 13 nafar sportchisi g'oliblik uchun kurash olib bordi.

Yakunda Kubaning ikki vakilasi eng yuqori natijani qayd etdi. Ernandes Peres Leyanis 14.93 m natija bilan oltin medalni qo'lga kiritish bilan birga Jahon rekordini o'rnatdi. Uning hamyurti Povea Lidagmis 14.57 metr masofaga sakrab, o'zining mavsumdagi eng yaxshi natijasini ko'rsatdi va JCHning kumush medalini qo'lga kiritdi. Bronza medali ispaniyalik Ana Peleteiro Kampaorega nasib etdi (14.29).

18 yoshli SHarifa Davronova esa 13.44 m natija bilan yopiq inshootlardagi Jahon chempionatini 13 ishtirokchi orasida 12-o'rinda yakunladi.