Sharjah Masters 2025. Nodirbek peshqadamlar safida. Bugun 5-turda shaxmatchilarimiz kimlarga qarshi dona surishadi?

Mukofot jamg'armasi 73 000 AQSH dollarini tashkil etuvchi ushbu musobaqaning kuchlilar jam bo'lgan "Masters" guruhida to'rt nafar grossmeysterimiz - Nodirbek Abdusattorov, Jahongir Vohidov, Muhiddin Madaminov va Ortiq Nig'matov ham sovrinli o'rinlar uchun bahs olib borishmoqda. 

Bugun musobaqaning 5-tur uchrashuvlari bo'lib o'tadi. O'zbek shaxmatchilarga qarshi kechgan bahslarda ketma-ket ikkita g'alaba qayd etgan Nodirbek Abdusattorov 5-turda qora donalarda vengriyalik grossmeyster Adam Kozakka qarshi bahs olib boradi. Qolgan uch grossmeysterimiz bugungi tur o'yinlarini raqiblariga qarshi oq donalarda o'tkazishadi. Jahongir Vohidov eronlik Sina Movahed, Muhiddin Madaminov qozog'istonlik Rinat Jumaboev, Ortiq Nig'matov esa hindistonlik Kartik Venkataramanga qarshi dona suradi. 

Beshinchi tur oldidan niderlandiyalik Anish Giri va serbiyalik Aleksandar Injich 3,5 ochkodan jamg'arib, turnir jadvalida qo'shhokimlik qilishyapti. O'n nafar grossmeyster hisobida 3 ochkodan bor. Ular orasida Nodirbek Abdusattorov ham 3 ochko to'plab, qo'shimcha ko'rsatkichlarga ko'ra 11-o'rinni egallab turibdi. Uchinchi pog'onadagi hindistonlik Visahda ham 3 ochko bor. Ortiq Nig'matov 2,5 ochko bilan 18, Muhiddin Madaminov 1, 5 ochko bilan 59, Jahongir Vohidov esa 1 ochko bila 72-pog'onadan joy olgan.