Sharjah Masters. Nodirbek Abdusattorov bir sutkada ikki davlatda ikki uchrashuv o'tkazdi

Mukofot jamg'armasi 73 000 AQSH dollarini tashkil etuvchi ushbu musobaqaning kuchlilar jam bo'lgan "Masters" guruhida to'rt nafar grossmeysterimiz - Nodirbek Abdusattorov, Jahongir Vohidov, Muhiddin Madaminov va Ortiq Nig'matov ham sovrinli o'rinlar uchun bahslarga kirishdi. 

Bir kun avval Ruminiyaning Buxarest shahrida yakuniga etgan turnirning so'nggi turida o'ynagan Nodirbek Abdusattorov bir sutka ichida ikki davlatdagi musobaqada o'yin o'tkazdi. Abdusattorov Sharjah Masters turnirida birinchi raqam ostida tasniflangan bo'lib, 1-tur uchrashuvida qora donalarda hindistonlik grossmeyster Panayappan Setxuramanga qarshi bahs olib bordi. Hamyurtimiz mag'lubiyati muqarrar bo'lib qolgan vaziyatdan chiqib ketdi va yakunda durangga imzo chekdi. 

Sharjah Masters 2025 turnirining 1-turida shaxmatchilarimizdan birgina Jahongir Vohidov mag'lubiyat alamini totib ko'rdi. U oq donalarda turnirning uchinchi tartib raqamli ishtirokchisi, eronlik taniqli grossmeyster Amin Tabatabayiga yutqazib qo'ydi. Muhiddin Madaminov va Ortiq Nig'matov esa reytingi o'zlaridan yuqoridagi raqiblari murosaga kelishdi.  

SHaxmatchilarimizning 1-turdagi nitajalari:

Panayappan Setxuraman (Hindiston) - Nodirbek Abdusattorov - 0,5:0,5

Jahongir Vohidov - Amin Tabatabayi (Eron) - 0:1

Muhiddin Madaminov - Syanyuy Syuy (Xitoy) - 0,5:0,5

Ortiq Nig'matov - Pranav Anand (Hindiston) - 0,5:0,5

Bugun 2-tur uchrashuvida Nodirbek Abdusattorov oq donalarda yana bir hind grossmeysteri Aditya Mittalga qarshi bahs olib boradi. Muhiddin Madaminov qora donalarda greciyalik Nikolas Teodorou, Ortiq Nig'matov hindistonlik Sankalp Gupta bilan hisob-kitob qiladi. Jahongir Vohidov esa serbiyalik ayol shaxmatchi Teodora Inyacga qarshi qora donalarda o'ynaydi.