Sharjah Masters. Nodirbek Abdusattorov yana qiyin vaziyatdan chiqib ketdi, Nig'matov va Vohidovda g'alaba

Mukofot jamg'armasi 73 000 AQSH dollarini tashkil etuvchi ushbu musobaqaning kuchlilar jam bo'lgan "Masters" guruhida to'rt nafar grossmeysterimiz - Nodirbek Abdusattorov, Jahongir Vohidov, Muhiddin Madaminov va Ortiq Nig'matov ham sovrinli o'rinlar uchun bahs olib borishmoqda. 

Nodirbek Abdusattorovga dam olishsiz ketma-ket ikkita turnirda qatnashayotgani o'z tasirini o'tkazmay qolmayapti. Sharjah Masters turnirida birinchi raqam ostida tasniflangan Abdusattorov 2-turda yana qiyin vaziyatdan chiqib ketib, yakunda durang natija qayd eta oldi. U oq donalarda hindistonlik grossmeyster Aditya Mittal bilan murosaga keldi. 

Sharjah Masters 2025 turnirining 2-turida shaxmatchilarimizdan Jahongir Vohidov va Ortiq Nig'matov g'alabaga erishidi. Har ikki grossmeysterimiz ham qora donalarda o'ynaganliklariga qaramay musobaqadagi ilk g'alabalarini qo'lga kiritishdi. Nig'matov hindistonlik Sankalp Guptani, Vohidov esa serbiyalik ayol shaxmatchi Teodora Inyacni taslim etdi. Muhiddin Madaminov esa greciyalik Nikolas Teodorouga imkoniyatni boy berib qo'ydi.