14 dek 17:17
Yangiliklar

SHaxmat

SHaxmat bo'yicha "Venkon Cup 2017" musobaqasi start oldi FOTOGALEREYA

13 dekabr kuni Toshkentdagi “Poytaxt” biznes-markazida "Venkon Cup" musobaqasining ochilish marosimi bo'lib o'tdi.

O'zbekistonning turli burchaklaridan kelgan 100 nafar o'g'il va qizlar musobaqadagi o'z ishtiroklarini boshlashdi.

Ushbu musobaqani "Venkon" kompaniyasi "Sky Chess" shaxmat maktabi yordamida tashkil etdi.

"Venkon Cup" ketma-ket ikkinchi yil 16 yoshgacha bo'lgan o'smirlar uchun o'tkazilmoqda. Ushbu musobaqani o'tkazishdan maqsad, o'sib kelayotgan yosh avlod orasida shaxmat sport turiga bo'lgan qiziqishni o'stirish va o'smir sportchilarning mahoratlarini oshirish hisoblanadi. Musobaqada qatnashgan sportchilarda 3, 2 va 1-razryad talablarini bajarish imkoniyati bo'ladi.

O'tgan yil bu musobaqada faqat Toshkent shahrida yashovchi o'g'il va qizlar qatnashishgan bo'lsa, bu yil Xorazm, Samarqand, Surxondayor va boshqa viloyatlardan ham sportchilar turnirda o'z omadlarini sinab ko'rishmoqda. Bu yilgi musobaqada 100 nafardan ortiq yosh shaxmatchilar ro'yxatdan o'tishdi.

"Venkon Cup 2017" ochilish marosimida o'zbek shaxmat yulduzlari – Gulruhbegim Toxirjonova va Saidali Yuldashev qatnashishdi. Ular yosh ishtirokchilar bilan bir vaqtda bir nechta taxtada o'yin o'tkazishdi.

"Venkon" kompaniyasi rahbari Asqar Ismailov ochilish marosimida o'z fikrlarini bildirdi: “Barchaga malumki, shaxmat – birdaniga miyaning ikkala tomonini rivojlantiradigan yagona sport turi. Mantiqiy va ijodiy. Bola qanchalik erta shaxmat bilan shug'ullanishni boshlasa, aqliy rivojlanish shuncha yaxshi bo'ladi. Bu musobaqani faqat bir maqsad yo'lida o'tkazishga qaror qildik – bolalar shaxmat o'ynab rivojlanishin. Aslida bolalarda aqliy va ijodiy mahoratni oshirish ota-onalarning eng katta sovg'asi, shaxmat esa eng yaxshi yordamchi”.

"Sky Chess" shaxmat maktabi asoschisi, O'zbekstonning birinchi ayol grossmeysteri – Nafisa Mo'minova: "SHaxmat - bu nafaqat sport. SHaxmat – bu sanat, ilm-fan va sportning yig'indisi. O'z tajribamdan kelib chiqib shuni aytishim mumkinki, shaxmat bilan shug'ullangan bolalarning o'qishlari yaxshilanadi, eslab qolish qobiliyati kuchayadi, tartib-intizom ham yaxshilanadi. Orzuimiz – har bir maktabga jismoniy tarbiya faniga shaxmatni ham qo'shish, unda bolalarga shaxmat o'ynashni o'rgatishadi".

Ushbu musobaqa 17 dekabrga qadar davom etadi.