SHaxmat. Hamyurtimiz Lev Tolstoy kubogi sovrindori!

«Lev Tolstoy kubogi» deb nomlangan musobaqa adib tug'ilib o'sgan manzilda tashkil etildi. Ilk marotaba o'tkazilgan xalqaro turnirda gollandiyalik grossmeyster Anish Giri g'oliblikni qo'lga kiritdi. U 2021 yil 1 sentyabr holatiga ko'ra, FIDE reytingida 7-o'rinni egallab turibdi.

Xalqaro turnirning eng yosh ishtirokchisi, o'zbekistonlik Nodirbek Abdusattorov musobaqada sensacion natija qayd etib, 2-o'rinni egalladi. U turnirda 5,5 ochko to'pladi. Hamyurtimizdan 0,5 ochko kam jamg'argan isroillik Boris Gelfand esa 3-o'rindan joy oldi.

Musobaqada Rossiya, Gollandiya, Isroil, Ukraina va O'zbekistondan jami 10 nafar tajribali grossmeysterlar, shaxmat yulduzlari ishtirok etishdi. SHulardan 6 nafari FIDE reytingida dunyoning TOP-50taligidan joy olgan.