SHaxmat ishqibozlari "Venkon Cup 2017"ga marhamat

"Sky Chess" shaxmat maktabi tomonidan o'tkaziladigan ushbu musobaqada Venkon kompaniyasining ham katta hissasi bo'ladi. Axborot hamkori - www.olamsport.com sayti.

"Venkon Cup" ketma-ket ikkinchi yil 16 yoshgacha bo'lgan o'smirlar uchun o'tkaziladi. Ushbu saralash musobaqasi ishtirokchilarga 3, 2 va 1-razryad normasini bajarish uchun imkoniyat bo'ladi.

O'tgan yilgi turnirda faqat Toshkent shahrida yashovchi o'smirlar ishtirok etishgan bo'lsa, bu yilgi musobaqada Xorazm, Samarqand, Surxondaryo va Jizzax viloyatlari shaxmat maktablarida tahsil oluvchi yoshlar ham qatnashishadi.

17 dekabr kuni "Venkon Cup 2017" musobaqasida Qozog'iston, Franciya va o'zbekistonlik taniqli shaxmatchilar ishtirokida namoyishli o'yinlar o'tkaziladi. Bu bahslar soat 11:00da boshlanadi.

Agar sizda yoki sizning farzandingizda ushbu musobaqada qatnashish istagi bo'lsa ro'yxatdan o'tishingiz mumkin. Malumot uchun, barcha viloyatlardan kelgan ishtirokchilar musobaqada bepul qatnashishlari mumkin. Toshkent shahrida yashovchi qatnashchilar to'laydigan badal pullarining barchasi ishtirokchilarga sovg'alar olish uchun sarflanadi.

Ro'yxatdan o'tish uchun quyidagi raqamga qo'ng'iroq qilish mumkin: 120-00-25

Musobaqani tomosha qilish istagida bo'lganlar bemalol "Poytaxt" biznes-markazining 4-konferenc zaliga tashrif buyurib yosh shaxmatchilarning o'yinlarini ko'rishlari mumkin bo'ladi.