13 sen 19:03
Yangiliklar
SHaxmat
SHaxmat: Nodirbek Yoqubboev “Prezident kubogi” sohibi!
Xabaringiz bor, poytaxtimiz Toshkent 7-13-sentyabr kunlari shaxmat bo'yicha O'zbekiston Respublikasi Prezidenti sovrini uchun II xalqaro turnirga mezbonlik qildi.
Umumiy sovrin jamg'armasi 100 ming AQSH dollarini tashkil etgan “Prezident kubogi”da dunyoning 16 ta mamlakatidan xalqaro grossmeysterlar, xalqaro shaxmat ustalari, shuningdek, sport ustaligiga nomzodlar g'oliblik uchun dona surishdi.
Bugun, 13-sentyabr kuni o'tkazilgan so'nggi tur bahslaridan so'ng musobaqaning barcha g'olib va sovrindorlari malum bo'ldi.
Xalqaro turnirda 10 imkoniyatdan 7,5 ochko jamg'arishga erishgan hamyurtimiz Nodirbek Yoqubboev musobaqa g'olibligini qo'lga kiritdi. Armanistonlik Ayk Martirosyan esa 7 ochko bilan kumush medalini qo'lga kiritdi. Sivuk Vitaliy ham 7 ochko jamg'arishga muvaffaq bo'lgan edi, ammo Ukraina vakili qo'shimcha ko'rsatkichlar evaziga 3-o'rindan joy oldi.
Havola :
Fikrlar