SHaxmat Olimpiadasi: Dunyoning birinchi raqamli jamoasi bilan durang o'ynadik

Bugun Olimpiadaning 4-turi doirasida O'zbekiston erkaklar terma jamoasi jahonning birinchi raqamli terma jamoasi Amerika Qo'shma SHtatlari vakillariga qarshi bahs olib borishdi. 

Qizg'in bahs 2:2 hisobidagi durang bilan nihoyasiga etdi. Terma jamoamiz safida Nodirbek Abdusattorov qora donalarda Fabiano Karaunani mag'lubiyatga uchratganini alohida qayd etishimiz lozim. Nodirbek Yakubbaev va Jahongir Vohidov durang qayd etgan bo'lsa, Javohir Sindarov afsuski imkoniyatni boy berib qo'ydi. 

Ushbu durangdan so'ng terma jamoamiz hisobidagi ochkolar soni 7 taga etdi. Bungacha vakillarimiz uchta bahsda g'alabaga erishgan edilar.