SHaxmat Olimpiadasi. Nihoyat erkaklar terma jamoamizda g'alaba!

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. 17-jahon chempioni Rustam Qosimjonov boshchiligidagi O'zbekiston erkaklar terma jamoasi Butunjahon shaxmat Olimpiadasining beshinchi turida yana g'alabaga erishdi.

Bu safar shaxmatchilarimiz Surinam terma jamoasiga hech qanday imkoniyat qoldirishmadi. Jahongir Vohidov, Anton Filippov, Marat Jumaev va Nodirbek Yoqubboevlar raqiblarini mag'lubiyatga uchratib, terma jamoamizning 4:0 hisobidagi g'alabasini taminlashdi.

Ushbu g'alabadan so'ng terma jamoamiz qo'shimcha ko'rsatkichlarga ko'ra 64-o'rindan 45-pog'onaga ko'tarilib oldi. Ertaga terma jamoamiz shaxmatchilari Mo'g'uliston terma jamoasi vakillariga qarshi bahs olib borishadi.