SHaxmat Olimpiadasi. O'zbekiston - AQSH, O'zbekiston - Dominikan bahsi juftliklari malum

Bugun Olimpiadaning 4-tur partiyalari o'ynaladi. Erkaklar o'rtasidagi bahslarda uchta g'alabaga erishib, qo'shimcha koeficentlarga ko'ra 4-o'rinni egallab turgan O'zbekiston erkaklar terma jamoasi bugun reyting peshqadami AQSH shaxmatchilarga qarshi dona suradi. O'zbekiston jahon reytingida 14-o'rinni egallab turibdi. Bugungi jiddiy raqiblarimiz ham uchta turda g'alaba nashidasini surishgan. 

Bugun AQSH safida Fabiano Karuana, Levon Aronyan, Uesli So, Sem SHankland yosh grossmeysterlarimizga qarshi dona suradi. Raqiblarning bari 2700 dan yuqori reyting ballariga ega ekaniyoq AQSHning qanday jamoa ekanidan darak berib turibdi.  

Malumot uchun, AQSH terma jamoasi 1-turda Angolani 3,5:1,5, 2-turda Paragvayni 2,5:1,5, kecha 3-turda Gruziyani 3:1 hisobida mag'lubiyatga uchratgan edi. Yulduzli tarkibga ega amerikalik grossmeysterlar qo'shimcha ko'rsatkichga ko'ra 20-pog'onadan joy olishgan. 

(1) AQSH - (14) O'zbekiston (juftliklar):

Fabiano Karauna (2783) - Nodirbek Abdusattorov (2688)

Levon Aronyan (2775) - Nodirbek Yoqubboev (2620) 

Uesli So (2773) - Javohir Sindarov (2629) 

Sem SHankland (2720) - Jahongir Vohidov (2564) 

(Suratdagi Fabiano Karuana)

Ikki g'alaba va bir mag'lubiyat qayd etgan O'zbekiston ayollar terma jamoasi shaxmatchilari esa bugun 4-turda dominikanlik dugonalariga qarshi bahs olib borishadi. O'zbekiston jahon reytingida 46, Dominikan Respublikasi esa 75-pog'onadan joy olgan. Bugungi uchrashuv oldidan O'zbekiston turnir jadvalida qo'shimcha ko'rsatkichlarga ko'ra 51, Dominikan esa 69-pog'onani band etgan. 

(75) Dominikan Respublikasi - (46) O'zbekiston (juftliklar):

Reydili Rosario (1882) - Nilufar Yoqubboeva (2299) 

Uilsayda Sezar Diaz (1834) - Umida Omonova (2195) 

Doribel Munos (1851) - Maftuna Bobomurodova (1914)

Meri Peguero Gonsalez (1666) - Marjona Malikova (1756)