SHaxmat Olimpiadasi. Qizlarimiz Gollandiya terma jamoasiga yutqazishdi

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. Kecha musobaqada 10-tur uchrashuvlari o'tkazildi. O'zbekiston ayollar terma jamoasi musobaqadagi o'zining uchinchi mag'lubiyatini qarshi oldi.

Gollandiya terma jamoasiga qarshi kechgan bahsda hamyurtlarimiz 1,5:2,5 hisobida imkoniyatni boy berishdi. Afsuski, birinchi raqamli shaxmatchimiz bo'lgan asli xitoylik bo'lgan Jaokin Pengga yutqazib qo'ydi. Qolgan shaxmatchilarimiz Irina Gevornyan, Nodira Nodirjonova va Sarvinoz Qurbonboevalar raqibalari bilan durang o'ynashdi.

Taqqoslash uchun, shaxmat Olimpiadasida Gollandiya 21, O'zbekiston 22-raqamli jamoa sifatida qayd etilgan. Kechagi mag'lubiyatdan so'ng terma jamoamiz 18-pog'onadan 31-o'ringa pastladi.

Terma jamoamiz 10ta uchrashuvdan 5tasida zafar quchib, 2ta durang o'ynagan va uch bor mag'lubiyat alamini totib ko'rgan. Bugun shaxmatchi qizlarimiz dunyoning o'ttiz ettinchi raqamli jamoasi bo'lib turgan Slovakiya terma jamoasidagi dugonalariga qarshi dona surishadi.