SHaxmat Olimpiadasi: Qizlarimiz uchinchi turda yaqqol ustunlik evaziga g'alaba qozonishdi

Bugun musobaqaning 3-tur bahslari tashkil etilmoqda. O'zbekiston ayollar terma jamoasi tur doirasida Zambiya vakilalariga qarshi dona surishdi. 

Quvonarlisi, qizlarimizning barchasi afrikalik raqibalarini mag'lub eta oldilar - 4:0. 

Bugun terma jamoamiz safida Nilufar Yakubboeva, Umida Omonova, Maftuna Bobomurodova va Afro'za Hamdamova dona surdilar. 

Eslatib o'tamiz, qizlarimiz birinchi turda Ganani 4:0 hisobida mag'lubiyatga uchratgandilar. Ikkinchi turda esa AQSHga 1:3 hisobida imkoniyat boy berildi.