SHaxmat Olimpiadasi: Slovakiya yirik hisobda mag'lubiyatga uchratildi

Bugun O'zbekiston erkaklar terma jamoasi musobaqa doirasida Slovakiya vakillariga qarshi dona surishdi. Quvonarlisi, vakillarimiz 5-turda ham muvaffaqiyatli yurishlarini davom ettirib, navbatdagi g'alabani qo'lga kiritishdi. 

SHaxmatchilarimiz bugun o'tkazilgan bahslarda Slovakiyani 4:0 hisobida mag'lub etdilar. 

Ushbu g'alaba orqali O'zbekiston erkaklar terma jamoasi hisobidagi ochkolar soni 9 taga etdi. 

Bungacha vakillarimiz Nepal, Farer Orollari va Sloveniya terma jamoalarini mag'lub etib, AQSH bilan durang o'ynashgandi. 

Qizlarimiz uchun esa afsuski bugungi kun biroz omadsiz bo'ldi. Terma jamoamiz vetnamlik raqibalariga 0,5 - 3,5 hisobida imkoniyatni boy berib qo'yishdi. 

O'zbekiston ayollar terma jamoasi hisobida 5 ta turdan so'ng 6 ochko mavjud.