SHaxmat Olimpiadasiga qura tashlandi. Bugun O'zbekiston chempionlik himoyasini boshlaydi

Xabaringiz bor, O'zbekiston erkaklar terma jamoasi amaldagi shaxmat Olimpiadasi chempioni hisoblanadi. Ular ikki yil avval Hindistonning CHennay shahrida o'tkazilgan Olimpiadada tarixiy natija qayd etishgan edi. 

Demak, 45-Butunjahon shaxmat Olimpiadasida yosh grossmeysterlarimiz chempionlik himoyasiga kirishishadi. Kecha musobaqaning tantanali ochilish marosimi o'tkazildi. SHuningdek, Olimpiadaga qura tashlash tadbiri ham bo'lib o'tdi. 

Butunjahon shaxmat Olimpiadasida erkaklar guruhida 197, ayollar guruhida esa 184 ta terma jamoa ishtirok etadi. Har ikki guruhda ham yurtdoshlarimiz ishtirok etishadi. Turnir shveycarcha formatda 11 tur davom etadi.

Qura natijasiga ko'ra, Vladimir Kramnik murabbiyligidagi O'zbekiston erkaklar terma jamoasi bugun 1-turda Trinidad va Tobago shaxmatchilariga qarshi bahs olib borishadi. Aleksey Dreev murabbiylik qilayotgan O'zbekiston ayollar terma jamoasi esa ilk turda Gaiti davlati shaxmatchilari bilan hisob-kitob qilishadi.    

Erkaklar terma jamoamiz tarkibi: Nodirbek Abdusattorov, Javohir Sindarov, Nodirbek Yakubboev, SHamsiddin Vohidov, Jahongir Vahidov 

Ayollar terma jamoamiz tarkibi: Afruza Hamdamova, Nilufar Yakubboeva, Umida Omonova, Marjona Malikova, Nodira Nodirjonova