SHaxmat. Tohirjonova jahon chempionatining uchinchi davrasiga yo'l oldi

Xabaringiz bor, ushbu jahon chempionatida yurtimiz sharafini yagona vakilamiz, ayollar o'rtasida xalqaro grossmeyster Gulruhbegim Tohirjonova himoya qilyapti. O'zbekistonlik birinchi ayol grossmeyster Nafisa Mo'minovaning singlisi bo'lgan Gulruhbegim ilk davrada g'alaba nashidasini surgandi.  

Kecha musobaqaning ikkinchi davra uchrashuvlari o'tkazildi. Tohirjonova 1/16 final bosqichida xitoylik xalqaro grossmeyster Tan Jong Yiga qarshi dona surdi. Dastlabki ikki partiyada tomonlar murosaga kelishdi. G'olib nomini aniqlab bergan 25 daqiqalik tay-brekda Gulruhbegim kuchli raqibini mag'lub etdi. 

Endi istedodli shaxmatchimiz 1/8 final bosqichida rossiyalik xalqaro grossmeyster Valentina Guninaga qarshi bahs olib boradi. Gunina kecha ukrainalik  Anna Usheninadan 1,5 - 0,5 hisobida ustun keldi. 

Jahon chempionati. 1/8 final juftliklari:

CHjay Mo (Xitoy) - Czyuy Venczyun (Xitoy)

Yolanta Zavadzka (Polsha) - Jansaya Abdumalik (Qozog'iston)

Natalya Pogonina (Rossiya) - Ekaterina Lagno (Rossiya)

Anna Muzichuk (Ukraina) - Antoaneta Stefanova (Bolgariya)

Xarika Dronavali (Hindiston) - Aleksandra Kostenyuk (Rossiya)

Alisa Gallyamova (Rossiya) - Ley Tincze (Xitoy)

Mubina Alinasab (Eron) - Mariya Muzichuk (Ukraina)

Gulruhbegim Tohirjonova (O'zbekiston) - Valentina Gunina (Rossiya)