SHaxmat: vakillarimiz ko'zi ojizlar o'rtasidagi Jahon chempionatida munosib ishtirok etishmoqda

Musobaqa 17 iyulga qadar davom etadi.

Ushbu Jahon chempionatida ayollar o'rtasida 18 davlatdan 26 nafar sportchi, yoshlar o'rtasida esa 13 davlatdan 13 nafar shaxmatchi g'oliblik uchun dona surishyapti. Jahon chempionati bahslarida mamlakatimiz sharafini Axadxon Kimsanboev hamda Durdona Jumanovalar himoya qilishmoqda.

1-turda Kimsanboev raqibi shveciyalik Toga Joxadson, Jumanova esa portugaliyalik Jozefa Spaychela ustidan g'alaba qozonishdi. 2-tur o'yinlarida Axadxon polshalik Michal Rakisga qarshi dona surdi va bu o'yinda durang qayd etildi. Durdonaga esa indoneziyalik Tita Puspitaga qarshi bahsda omad kulib boqmadi va mag'lubiyatga uchradi.

3-tur o'yinlarida Kimsanboev ispaniyalik San Xuan Santin Aaronga qarshi, Jumanova esa kolumbiyalik Franko Perrizga qarshi dona surishadi.

SHaxmat bo'yicha ko'zi ojizlar va zaif ko'ruvchi yoshlar va ayollar o'rtasidagi jahon chempionati bahslari davom etmoqda.