SHaxmat: Yigitlarimizda yirik g'alaba, qizlarimiz esa...

Bugun musobaqaning ikkinchi tur bahslari bo'lib o'tdi. 

Erkaklar terma jamoamizga ikkinchi turda Farer Orollari vakillari raqiblik qilishdi. Mazkur qarama-qarshilikda Nodirbek Abdusattorov, Nodirbek Yakubboev, Javohir Sindorov, Javohir Vohidov kabi grossmeysterlarimiz dona surishdi va ularning barchasi g'alabaga erishdi - 4:0!

Qizlarimizga esa etakchi AQSH terma jamoasi vakilalari ro'baro' keldilar. Nilufar Yakubboeva, Umida Omonova, Afro'za Hamdamova va Marjona Malikovadan tashkil topgan tarkibimiz afsuski 1:3 hisobida imkoniyatni boy berib qo'ydi. Qizlarimiz safida yagona g'alabani Umida Omonova qo'lga kiritdi. U o'zidan ancha tajribali bo'lgan raqibasi Yip Karissanikidan ustun keldi. 

Eslatib o'tamiz, AQSH safida o'zbekistonlik Gulruhbegim Tohirjonova ham dona suradi. Ammo, u O'zbekiston terma jamoasiga qarshi o'yinda ishtirok etmadi.