SHaxmatchilarimiz Osiyo Millatlar Kubogiga yo'l olishdi FOTO

Tarkibda 17-jahon chempioni Rustam Qosimjonov yo'q. Ushbu nufuzli Asian Nations Chess Cup  2018 musobaqasi Eronning Hamadon shahridj 27 iyul - 4 avgust kunlari oralig'ida bo'lib o'tadi. Terma jamoalar o'rtasidagi turnir standart shaxmat, rapid va blic yo'nalishlarida o'tkaziladi. 

O'zbekistan erkaklar terma jamoasi:

GM Saydali Yo'ldoshev (2456, jamoa sardori)

IM Nodirbek Yoqubboev (2512)

IM Javohir Sindarov (2474)

IM Nikita Xoroshev (2424)

IM Abdumalik Ablisalimov (2331)

O'zbekiston ayollar terma jamoasi:

WIM  Irina Gevorgyan (2254, jamoa sardori)

WGM Gulruhbegim Tohirjonova (2350)

WGM Sarvinoz Qurbonboeva (2241)

WIM Nodira Nodirjonova (2180)

WIM Sevara Boymurodova (2099)

Malumot uchun, Eron mamlakati ushbu musobaqani uchinchi marotaba qabul qilmoqda. Osiyo Millatlar Kubogiga 2006 yili Isfaxon, 2014 yilda esa Tabriz shahri mezbonlik qilgandi. 

Erkaklar o'rtasidagi musobaqada 13ta terma jamoa ishtirok etadi: Hindiston (reyting-favoriti, jamoaning o'rtacha reytingi 2662), Xitoy (2609), Eron Grin (2593), Qozog'iston (2536), Vetnam (2517), Eron Red (2508), O'zbekiston (2467, ettinchi raqam ostida tasniflandi), Eron Vayt (2429), Bangladesh (2338), Iroq (2277), Suriya (2211), Ummon (2059) va Afg'oniston (1435).

Osiyo Millatlar Kubogida 30 nafar xalqaro grossmeyster, ularning 10 nafari reyting bo'yicha 2600dan yuqori, 12 xalqaro toifadagi sport ustalari ishtirok etayotgani musobaqaning nufuzidan darak berib turibdi. 

Ayollar o'rtasidagi musobaqada esa 8ta terma jamoa ishtirok etadi: Xitoy (jamoaning o'rtacha reytingi - 2418), Qozog'iston (2404), Hindiston (2390), Vetnam (2295), Eron Grin (2270), O'zbekiston (2256), Eron Red (2035) va Suriya (1185). Ikki xalqaro grossmeyster Xarika Dronovalli (Hindiston) va Ley Ting Jie (Xitoy) musobaqa favoritlari sifatida etirof etilmoqda. 

Eslatib o'tamiz, 2016 yilning 28 mart - 7 aprel kunlari oralig'ida BAAning Abu-Dabi shahrida bo'lib o'tgan Osiyo Millatlar Kubogida O'zbekiston ayollar terma jamoasi standart shaxmat va rapid bo'yicha kumush medallarni qo'lga kiritgan edi.