SHaxmatchilarimiz U-16 Butunjahon O'smirlar Olimpiadasini ketma-ket uchta g'alaba bilan boshlashdi

Nufuzli musobaqada dunyoning 45 davlatidan 90 ta jamoa bosh sovrin uchun bahslarga kirishgan. O'zbekiston terma jamoasi o'rtacha reyting bo'yicha 2-o'rinda qayd etilgan bo'lib, shaxmatchilarimiz Butunjahon Olimpiadani ketma-ket 3 ta g'alaba bilan boshlashdi.   

Olimpiadada xalqaro grossmeyster Saydali Yuldashev bosh murabbiyligidagi O'zbekiston terma jamoasi ishtirok etyapti. Tarkibdan xalqaro sport ustalari Humoyun Begmuratov (2435), Muhammadzohid Suyarov (2356), FIDE sport ustasi Asrorjon Omonov va ayollar xalqaro sport ustasi, yoshlar o'rtasida ikki karra jahon chempioni Afruza Hamdamova joy olgan. 

O'zbekiston terma jamoasi Olimpiadaning 1-turida mezbonlarning Kolumbiya 10 jamoasidan 4:0 hisobida ustun keldi. Ikkinchi turda Ekvadorning birinchi raqamli terma jamoasi 3:1 hisobida mag'lub etildi. SHaxmatchilarimiz 3-turda Peruning asosiy jamoasidan ustun kelishdi - 4:0. 

Bugun 4-turda O'zbekiston terma jamoasi o'zi singari 3 ta uchrashuvda yuz foizlik natija qayd etgan Qozog'iston 2 jamoasiga qarshi bahs olib boradi. O'zbekiston va Qozog'istondan tashqari FIDE 1, FIDE 2, Xitoy, Qozog'iston 2, Kolumbiya 1 va Kuba 1 jamoalari ham 3 tadan g'alabaga ega bo'lib turibdi.