SHaxmatchilarimizning Issiqko'ldagi muvaffaqiyati

D.Derbishev xotirasiga bag'ishlangan blic-turnirda Markaziy Osiyo mamlakatlaridan kelgan shaxmatchilar dona surishmoqda. SHveycarcha tizimda 7 turdan iborat musobaqada 14 yoshgacha jami 31 nafar iqtidor egalari g'oliblik yo'lida bahslarga kirishishdi. 

Quvonarlisi, xalqaro turnirda ishtirok etgan o'zbekistonlik shaxmatchilar g'olib va sovrindorlar qatoridan joy olishdi. Samandar SHermuhammdov 14 yoshli shaxmatchilar orasida birinchi o'rinni egalladi. Bahrom Baxrillaev 10 yoshlilar o'rtasida kumush, Jonibek Baxtiyorov 14 yoshlilar orasida bronza medaliga sazovor bo'ldi. 

Malumot uchun, Samandar SHermuhammedov 7 imkoniyatdan 6 ochko to'pladi. Jonibek Baxtiyorov shuncha partiyada 5 ochko jamg'argan bo'lsa, Bahrom Baxrillaev 24 shaxmatchi orasida 6 ochko bilan sof ikkinchi o'rinni egalladi. 

Standart shaxmatning jamoaviy bahslarida hamyurtlarimiz 6-turdan so'ng 27 ochko bilan peshqadamlik qilishyapti. Ikkinchi o'rinda borayotgan Qozog'iston terma jamoasida 24 ochko bo'lsa, mezbonlar qirg'izistonlik shaxmatchilar 22 ochko bilan kuchli uchlikka yakun yasashgan.