22 sen 07:25
Yangiliklar

Boks/MMA

SHerzod Husanov Polshadagi turnirning markaziy jangida ringga chiqdi

Polshaning Xoynice shahrida professional boks turniri bo'lib o'tdi.

Biz uchun ahamiyatlisi, Babilon Promotion promouterlik kompaniyasi tomonidan tashkil etilgan ushbu boks oqshomining markaziy jangida hamyurtimiz SHerzod Husanov ringga ko'tarildi. Tajribali bokschimiz polshalik Pavel Stepinga qarshi jang o'tkazdi.

Sakkiz raund to'liq davom etgan jangda mezbon bokschi ochkolar hisobiga ko'ra g'alaba qozondi. Hakamlar Arek Malek, Pavel Kardini va Tomash Kovalik bir xilda 80-71 hisobidagi g'alabani Pavel Stepinga taqdim etgan.

Bu 34 yoshli Stepinning 22-jangidagi 20-g'alabasi bo'ldi. Uning hisobida 1 tadan mag'lubiyat va durang ham bor. 44 yoshli Husanov faoliyatidagi to'rtinchi mag'lubiyatini qabul qilib oldi. G'alabalari soni 24 taligicha qoldi.