SHevchenko jarohat oldi, UFC vaqtinchalik chempionlik kamari uchun jang tashkil qiladi

SHu bilan birga, vaziyatdan xabardor manbalarning xabar berishicha, ayollar o'rtasidagi chempionlik jangi turnirning asosiy voqeasi bo'lib qoladi, biroq unda vaqtinchalik chempionlik kamari o'ynaladi. Bu kamar uchun braziliyalik Nataliya Silva va xitoylik Van Kong o'zaro oktagonda to'qnash keladi. 

Liga matbuot xizmati hozircha ushbu malumotni tasdiqlamadi. UFC rahbari Dana Uayt esa Las-Vegasdagi matbuot anjumanida turnirning asosiy jangi shu hafta elon qilinishini malum qildi.

Malumot uchun, 29 yoshli braziliyalik Nataliya Silva tashkilotda mag'lubiyatsiz odimlamoqda va u erda allaqachon sakkizta g'alabaga erishgan. U so'nggi uchta jangida UFC`ning sobiq chempionlari — Jessika Andrade, Aleksa Grasso va Rouz Namayunasni hakamlarning yakdil qarori bilan mag'lub etgan.

34 yoshli Van Kong esa to'rtta g'alabali seriyani qayd etmoqda. U o'zining so'nggi jangida Treysi Kortezni hakamlarning bir ovozdan qabul qilgan qarori bilan yutgan edi.