31 may 09:26
Yangiliklar

Ot Sporti

SHohsupada o'zbek chavandozlari. Federaciya raisi xalqaro turnir g'olibi bo'ldi

Qirg'iziston poytaxti Bishkek shahrida ot sportining konkur yo'nalishi bo'yicha FEI Jumping CSIO1 -W Worid Cup Eurasian League va FEI Jumping Nations Cup xalqaro musobaqasi davom etadi.

O'zbekiston, Rossiya , Belarus, Qozog'iston, Qirg'iziston kabi mamlakat vakillari ishtirok etayotgan turnirning galdagi dasturida chavandozlar 130 sm balandlikdagi to'siqdan oshib o'tish bo'yicha bellashishdi. Ahamiyatlisi, mazkur yo'nalishda ham shohsupaning barcha o'rinlari terma jamoamiz vakillariga nasib etdi.

Qayd etish joiz, birinchi o'rinni “Etos” laqabli tulporda ishtirok etgan O'zbekiston yilqichilik va ot sport federaciyasi raisi Bahromjon Gaziev egalladi.

1. Bahromjon Gaziev (O'zbekiston) – “Etos” (ot laqabi)

2. Saidamirxon Turg'unbaev (O'zbekiston) – “Kastaniya”

3. Azam Tolibboev (O'zbekiston) – “Ledi”