SHomurodov? Parij Olimpiadasida O'zbekiston tarkibida yoshi katta futbolchilardan kimlar qatnashishi malum

Kecha Husanov va Fayzullaev OTJ tarkibiga qachon kelib qo'shilishi haqida xabar bergan edik.

Husanov va Fayzullaev qachon O'zbekiston U-23 terma jamoasi ixtiyoriga qo'shiladi?!

Bosh murabbiy Timur Kapadze olimpiadaga 3 nafar yoshi katta futbolchi olib ketishni mo'ljallamoqda. Bu haqda saytimiz jurnalisti Tolibjon Qosimov malum qildi. Bular:

Eldor SHomurodov ("Roma")

Oston O'runov ("Persepolis")

Akmal Mozgovoy ("Nasaf")

Ushbu 3 nafar yoshi katta futbolchilar ro'yxati "Nasaf" himoyachisi Alibek Davronovning jarohati qay darajada jiddiyligi va davolanish davomiyligiga qarab o'zgarish ehtimoli mavjud. Yani, yuqoridagi futbolchilardan biri qaysidir markaziy himoyachi (katta ehtimol bilan Husniddin Aliqulov)ga almashtirilishi mumkin.

Eslatib o'tamiz, Olimpiada uchun jamoalar faqatgina 18 nafar futbolchini "zayavka" qilishlari mumkin. Bundan tashqari, yana 4 nafar o'yinchini zaxira varianti sifatida ro'yxatdan o'tkazish mumkin. Musobaqa payti 18 talikdan kimdir jarohat olib yoki betob bo'lib qolgan o'yinlarda o'ynay olmasa, uning o'rniga o'sha 4 nafar zaxiradagi futbolchilardan birini "zayavka"ga kiritish mumkin bo'ladi.