SHon Bredi Xamzat CHimaevning rekordini yangiladi

SHon Bredi oqshomning asosiy jangida yarimo'rta vazn toifasida sobiq UFC chempioni britaniyalik Leon Edvardsni muddatidan avval mag'lubiyatga uchratgan edi. Aynan shu jangda SHon parterda nazorat qilish bo'yicha yangi rekord o'rnatdi. 

U ikkinchi raundning boshlanishi bilan Edvardsni parterga tushirgan SHon besh daqiqa davomida raqibini qo'yib yubormadi. UFC bergan statistikaga ko'ra parterdagi umumiy vaqt nazorati 4 daqiqayu 57 soniyani tashkil qilgan. Bu borada avvalgi rekord Xamzat CHimaevga tegishli bo'lib, u 2020 yilning iyul oyida bo'lib o'tgan jangda Jon Filipsni birinchi raundda 4 daqiqayu 55 soniya parterda ushlab turgandi. SHon Xamzatning rekordini 2 soniyaga yangilagan. 

CHimaevgacha bo'lgan rekord esa deyarli 10 yil saqlanib turgan. Aniqrog'i, afsonaviy CHel Sonnen 2010 yilning fevralida raqibi Neyt Markvardtni 4 daqiqayu 53 soniya vaqt mobaynida parterda ushlab turgan.