SHon O’Melli: "Petr Yanni UFC`dan haydashadi"

Uning aytishicha, sobiq raqibi Petr Yan yana bitta jangdan so'ng UFC`dan haydaladi. Uzoq muddatli tanaffusdan so'ng oktagonga qaytgan rossiyalik sobiq chempion mag'lubiyatlar iskanjasiga o'ralashib qolgan va bu holat uning tashkilotdan haydalashiga sabab bo'ladi.

"Marlon "CHito" Vera – urish uchun qo'g'irchoq. Petr Yan esa qo'lqopsiz janglarda debyut qilishga juda yaqin turibdi. Yana bitta jangdan so'ng biz uni o'sha erda ko'ramiz. Merab Dvalishvilining burni esa Jo Baydennikidan ham qiyshiq. SHundaymi, bolakay?", - deya UFC 299 turniriga bag'ishlangan matbuot anjumanida Petrga murojaat qilgan SHon.

Petr Yan yakshanba tongida uchta mag'lubiyatdan iborat seriyasini xitoylik Song Yadongga qarshi jangda yopishga urinib ko'radi. SHon O’Melli esa oqshomning markaziy jangida davogar Marlon "CHito" Veradan kamarini himoya qiladi. Aynan Vera bundan to'rt yil avval SHonga faoliyatidagi hozirgacha yagona bo'lib turgan mag'lubiyatini taqdim etgan edi. 

Eslatib o'tamiz, 2022 yilning oktyabr oyida SHon O’Melli Petr Yanni hakamlarning ayri qarori bilan mag'lub etgandi. O'sha jang hakamlariga etirozlar juda ko'p bo'lgandi. O'tgan yilning avgustida esa O’Melli amerikalik Aljameyn Sterlingni ikkinchi raundda nokautga uchratib, chempionlik kamarini qo'lga kiritgan edi.