SHon O’Melli Umar Nurmagomedovning mag'lubiyatiga izoh berdi

Amerikalik aralash yakkakurash ustasi SHanxaydagi turnirda Umar Nurmagomedovni ikkinchi raundda nokautga uchratgan xitoylik jangchining shov-shuvli g'alabasi haqida fikr bildirdi. SHon jangni tomosha qilayotgan vaqtidagi munosabatini aks ettirgan videoni ijtimoiy tarmoqlarga joyladi.

"Umar burchagida turgan va shunchaki ichkariga bostirib kirgan o'sha odam kim edi? U deyarli Song Yadongga tirsagi bilan zarba berishiga bir bahya qoldi. SHunchaki tasavvur qiling, SHon O’Melli qanchalik zo'r? Albatta, hazillashyapman. Gap hozir men haqimda emas", — dedi O’Melli bahs yakunida.

SHuningdek, SHon O’Melli mag'lubiyatdan so'ng ketma-ket ikkinchi muddatidan avvalgi g'alabasini qo'lga kiritgan Songning mehnatini etirof etdi.

"Song uchun qanday yil bo'lmoqda — yanvarda men bilan jang qilib, yutqazdi. Qaytdi, Deyveson Figeredoni sabmishn (bo'g'ish) usuli bilan mag'lub etdi, keyin esa Umar Nurmagomedovni nokautga uchratdi. Songning ko'zi ustidagi jarohatga qarang. Bu men tizzam bilan urgan joyimmi? Lekin yana bir bor aytaman — gap men haqimda emas. Bas, etar", — deya qo'shimcha qildi divizionning sobiq chempioni.

Rossiyalik jangchini nokautga uchratgan Song Yadong 24 oktyabr kuni Abu-Dabida bo'lib o'tadigan UFC 333 turnirida Pyotr Yan va Merab Dvalishvili o'rtasidagi chempionlik jangi g'olibi bilan to'qnash kelish uchun asosiy davogarlardan biriga aylandi. Agar gruziyalik jangchi chempionlik kamarini qaytarib olsa, xitoylik vakil navbatdagi chempionlik imkoniyatini qo'lga kiritishi mumkin. Agar rossiyalik jangchi chempion bo'lib qolsa, katta ehtimol bilan titul uchun SHon O’Melli jang qiladi.