SHota Arveladze: "Mag'lubiyatni ham tan ola bilish kerak"

- "Qiyin o'yin bo'ldi. Natija biz uchun alamli bo'ldi. Birinchi bo'limni juda bo'sh boshladik. Uchrashuvdagi tashabbusni raqibga topshirib qo'ydik. Ikkinchi taymda esa yaxshiroq o'ynashimiz mumkinligini ko'rsatdik. Jamoada xarakter bor. Ammo buni juda kech ko'rsatdik. Superligadagi eng kuchli jamoalaridan biriga qarshi saf tortdik. 

Mag'lubiyatni ham tan ola bilish lozim. G'alaba bilan raqibni tabriklayman. O'yinda hammasini o'zgartirib yuborish uchun imkoniyatlar yuzaga kelgandi. Ammo, bundan foydalana olmadik. Ikkinchi gol o'yindagi burilishni butkul o'zgartirib yubordi. Tavakkalga ham qo'l urdik, zaxiradan foydalandik. Lekin ikkinchi goldan keyin vaziyatni o'z tomonimizga burish qiyin bo'ldi", - dedi SHota Arveladze.