SHu hafta o'tkaziladigan va Mahmud Muradovning sobiq ikki raqibi o'zaro jang qiladigan UFC Fight Night 239 turnirining to'liq kardi

UFC Fight Night 239 oqshomining markaziy jangi og'ir vazn toifasida Tay Tuivasa hamda Marchin Tibura o'rtasida kechadi. Turnirning prelim kardi doirasidagi bir jang etiborimizni tortdi. Unda Mahmud Muradovning sobiq raqiblari Jerald Mirshert va Brayan Barberena o'zaro jangda munosabatlariga oydinlik kiritib olishadi. 

Malumot uchun, Muradov UFC Vegas 35 turnirida Jeraldga qarshi oktagonga chiqib, mag'lubiyatga uchragandi. O'shanda Mirshert hamyurtimizni ikkinchi raundda bo'g'ib qo'ygandi. Vaholanki, Muradov birinchi raundni 10-9 hisobida o'z foydasiga hal qilgan edi. Bu Mahmud uchun UFC'dagi ilk mag'lubiyat bo'lgandi.

O'tgan yilning 22 iyul kuni esa Mahmud Muradov Buyuk Britaniyaning London shahrida o'tkazilgan UFC Fight Night 224 turnirida amerikalik Brayan Barberenani ochkolar hisobiga ko'ra taslim etgandi.

UFC Fight Night 239 turnirining to'liq kardi:

Asosiy kard

Tay Tuivasa — Marchin Tibura

Brayan Battl — Anj Luza

Ovins Sent-Pryu — Kennedi Nzechukvu

Tiago Moyzes — Mitch Ramires

Penni Kianzad — Meysi CHiasson

Prelim kard

Jerald Mirshert — Brayan Barberena

Natan Levi — Mayk Devis

Jozin Nunes — CHelsi CHendler

Kristian Rodriges — Ayzek Dulgarian

Odi Osborn — Jafel Filo

Joshua Kulibao — Denni Silva

Kori Makkenna — Jaklin Amorim

SHaralampos Grigoriu — CHed Anxeliger