SHunaqasi ham bo'lar ekan! Samarqanddagi jahon chempionatida finishga oz qolganida qayig'idan ag'darilib ketgan rossiyalik sportchiga oltin medali qaytarib berildi

Musobaqa doirasida 500 metr masofadagi bahslarda ishtirok etgan rossiyalik kanoechi Zaxar Petrov finishga oz qolganida qayig'i ag'darilib ketgandi. Uning qayiq kamoni finishni birinchi bo'lib kesib o'tganiga qaramay, rasmiy protokolda Zaxarning natijasi avvaliga hisobga olinmagandi.

SHundan so'ng, neytral maqomidagi sportchi Petrov tomoni tashkilotchilarga protest bildirib, qayta tekshirishlardan so'ng, Zaxarning oltin medal qo'lga kiritgani elon qilingandi. Ammo keyinchalik elon qilingan yangiliklarda Zaxardan oltin medal olingani va u rasmiy protokolda finishga qadar etib kela olmagani qayd etildi. Oltin medal esa ikkinchi bo'lgan moldovalik Sergey Tarnovskiyga nasib etgandi.   

Mazkur voqealardan so'ng Rossiya baydarka va kanoeda eshkak eshish federaciyasi Xalqaro federaciyaga apellyaciya kiritgan. Qizig'i, ICF ularning so'rovini qanoatlantirdi va Zaxar Petrovga yana oltin medal qaytarildi.